La polizia chantunala dal Grischun posseda pliras unitads spezialas. Il cader ed ils commembers da questas unitads spezialas vegnan recrutads da l'effectiv dal corp da la polizia chantunala dal Grischun. Els absolvan ina scolaziun e furmaziun supplementara. Per dar ina invista a la populaziun da questa lavur multifara ed interessanta organisescha la polizia chantunala dal Grischun proxima sonda, ils 24 d'october, in di da las unitads spezialas.

Quel di vegnan preschentads il cader alpin, il servetsch d'urden, las manadras ed ils manaders da chauns, ils manaders ambulants da l'acziun, ils sfunsaders sco er ils grenadiers. La polizia chantunala vul demonstrar las pussaivladads d'acziun e l'equipament da las unitads spezialas. Las preschentaziuns han lieu da las 9.00 fin las 17.00 sin la plazza da parcar da las telefericas da Savognin. Ultra da quai avais Vus la pussaivladad da frequentar differentas preschentaziuns e demonstraziuns da singulas unitads spezialas e d'As participar activamain a quellas.