Tenor l'art. 58 da la lescha davart las vias po il chantun pajar contribuziuns als custs imputabels per construir e per signalisar stabiliments dal traffic betg motorisà, sch'els correspundan a las prescripziuns chantunalas.

Las tariffas da contribuziun correspundan a la classificaziun da la forza finanziala da las vischnancas:

gruppa da forza finanziala	1	2	3	4	5
tariffa da contribuziun	40%	45%	50%	55%	60%

50% per construir e per mantegnair la valur da la signalisaziun da colliaziuns da vias da velo e da velo da muntogna sco er da rutas d'auters urdains sumegliants a vehichels

50% per construir e per mantegnair la valur da la signalisaziun da sendas da viandar


Documents che ston vegnir inoltrads (mintgamai en trais exemplars)

Projects da vias da velo:

• rapport tecnic
• preventiv
• situaziun 1:500 inclusiv la signalisaziun e la marcaziun
• profil da lunghezza
• profils traversals tipics
• acquist da terren

Projects da signalisaziun:

• descripziun dal project / motivaziun dal project (tenor il model d'in register dal cuntegn)
• stimaziun dals custs (CGS)
• extract da la charta
• consentiment da las vischnancas territorialas