L'uffizi da fatgs da polizia e da dretg civil dal Grischun è in uffizi dal
departament da giustia, segirezza e sanitad dal Grischun. L'uffizi stat sut la direcziun da lic. iur. Marcel Suter, vicedirectur è lic. iur. Markus Haltiner. En reguard organisatori è l'uffizi subdividì en quatter partiziuns (organigram):
- Polizia d’esters e centers da documents d‘identitad
- Asil ed execuziun da mesiras
- Logistica ed ulteriurs servetschs
- Integraziun, dretg da burgais e dretg civil
L'uffizi da fatgs da polizia e da dretg civil dal Grischun è incumbensà d'exequir differentas incumbensas da la polizia administrativa. En emprima lingia stat qua l'execuziun dal dretg d'esters e d'asil en il chantun Grischun. A l'uffizi da fatgs da polizia e da dretg civil dal Grischun sun suttamess plinavant ils centers da documents d‘identitad. Il center da documents d‘identitad emetta passaports per tut las Svizras ed ils Svizzers cun domicil en il chantun Grischun.
Il champ d'incumbensas da l'uffizi da fatgs da polizia e da dretg civil dal Grischun cumpiglia la finala er parts dals suandants secturs materials e giuridics:
- dretg da burgais
- dretg civil, en spezial stadi civil e midadas da num
- integraziun
L'uffizi da fatgs da polizia e da dretg civil dal Grischun è ultra da quai cumpetent per l'execuziun dals suandants secturs specifics en il chantun Grischun:
- bullaziun e metrologia
- lottarias
- polizia da gieus