Il secretariat dal departament è il post da stab dal departament da giustia, segirezza e sanadad. El sustegna la scheffa dal departament en la direcziun politica spezialisada sco er en tut las dumondas da la direcziun, communicaziun e da la lavur da publicitad. El ha la direcziun administrativa dal departament e garantescha il contact sco er las relaziuns da fatschenta dal chau dal departament cun ils uffizis, la chanzlia chantunala e cun ils auters departaments. Il secretariat dal departament coordinescha u elavurescha spezialmain il preventiv, il quint ed il rapport annual. El examinescha u elavurescha dumondas e rapports a la regenza. El tracta recurs cunter disposiziuns dals posts da servetsch ed instruescha la regenza en proceduras da meds legals cunter il departament da finanzas e vischnancas. Collavuraturas e collavuraturs dal secretariat dal departament mainan u lavuran en projects interns dal departament u interdepartamentals. Els cusseglian e sustegnan er posts da servetsch e terzas persunas ed elavuran sbozs da constituziuns, leschas e d’ordinaziuns.