Ils collavuraturs da la partiziun "servetsch da medias/prevenziun" garanteschan l'infurmaziun e la communicaziun interna ed externa. Ellas/els coordineschan tut ils basegns da las medias, redigian bulletins per las medias davart accidents, incendis, malauras e fatgs penals grevs u insolits e procuran per l'infurmaziun da la populaziun en cas d'eveniments che signifitgeschan in privel per umans, animals u l'ambient.

Chaussa da la partiziun "servetsch da medias/prevenziun" è er la lavur da publicitad preventiva sco er la collavuraziun en cas d'appels a perditgas, investigaziuns u annunzias da spariziun.

Las collavuraturas ed ils collavuraturs èn ultra da quai responsabels per il museum da polizia e per ils guids tras l'edifizi da polizia.