La partiziun da la segirezza da victualias (SV) è cumpetenta per l'execuziun da la legislaziun da victualias. L'emprima prioritad han en quest connex la protecziun da la sanadad, il tractar igienic e la protecziun cunter engion en connex cun victualias e cun objects da diever.

Per quai stat a disposiziun al chemicist chantunal l'inspecturat da victualias ed in laboratori bain endrizzà.

Plinavant è il sectur da la SV cumpetent per exequir la legislaziun davart ils tissis e per controllar l'aua da bogn. Ultra da quai tutga tar las obligaziuns d'exequir l'ordinaziun per la protecziun cunter radiaziuns en il sectur dal radon ed en connex cun la segirezza biologica e cun l'utilisaziun d'organissems en sistems serrads.

En il rom da las cunvegnas cun l'uffizi per la natira e l'ambient (UNA) analisescha la partiziun SV provas da l'ambient.