Il territori da cunfin cuminaivel da la Germania, da l'Austria, da la Svizra e dal Liechtenstein, la uschenumnada "regiun da cunfin GACH+", è ina regiun impurtanta da l'Europa centrala. Quest territori ha gronds potenzials economics. El ha dentant er grondas qualitads areguard la cuntrada ed areguard la cultura e tras quai ina impurtanza speziala per la recreaziun e per il turissem. Ina gronda schanza per l'ulteriur svilup dal territori sa chatta en la cooperaziun transcunfinala. Las infurmaziuns che vegnan duvradas per quai vegnan messas a disposiziun en quest project d'interreg IIIA. Plinavant vegnan stgaffidas las emprimas plattafurmas per la concepziun transcunfinala dal territori.