Il zercladur 1998 ha la regenza deliberà in concept per integrar uffants cun impediments en il sistem da scola dal Grischun. Ella l'ha mess en vigur l'onn da scola 1998/99. Il favrer 2000 ha la regenza extendì quest concept confurm al senn sin las scolinas dal chantun. En il rom dal project scola grischuna 2010 ha il DECA elavurà il concept general per ina integraziun cumplessiva d'uffants e da giuvenils cun basegns spezials en il chantun Grischun (concept general d'integraziun). A chaschun da numerusas occurrenzas d'infurmaziun en las regiuns ha el orientà la populaziun davart quest concept. Il mars 2007 ha la regenza deliberà – en connex cun la nova concepziun da la gulivaziun da finanzas e da la repartiziun da las incumbensas tranter la confederaziun ed ils chantuns – il concept per la scola speziala dal Grischun. Actualmain vegnan integrads passa 100 uffants cun impediments en las scolas ed en las scolinas regularas dal chantun Grischun.