Conferenza da las presidentas communalas 2011

Gievgia, ils 8 da november 2011, ha gì lieu a Cuira la 9avla conferenza da las presidentas communalas dal Grischun. 20 da las 178 vischnancas vegnan actualmain presidiadas d'ina dunna. A chaschun da questa conferenza han las presidentas communalas visità in lavuratori davart il tema "pussanza ed influenza" da Zita Küng. Ella è possessura da la firma da cussegliaziun "EQuality". Silvia Hofmann, la manadra dal post da stab per l'egualitad da las schanzas, ha fatg in bainvegni a las presidentas communalas ed ha ditg, ch'ina da las furmas las pli impurtantas e las pli persistentas da sustegnair las dunnas en la politica saja il barat en in circul pitschen e l'amplificaziun da la rait da contacts