Cumposiziun 2009 - 2012 da las cumissiuns da la dretgira tenor il conclus da la dretgira cumplessiva dals 19.1.2009:
a) Cumissiun administrativa (art. 13 LOG): Schmid, Priuli, Meisser
b) Cumissiun da publicaziun (art. 15 LOG): Meisser, Krättli-Keller, Passini
c) Cumissiun d'informatica (art. 16 LOG): Priuli, Zürn, Krättli-Keller

Rapport annual 2010 da la dretgira administrativa

E-mail a la dretgira administrativa

La dretgira administrativa prenda enconuschientscha da dumondas, da supplicas e d’autras communicaziuns che vegnan fatgas per e-mail senza esser ordinadas. Ella entra dentant mo en acziun en cas d’inoltraziuns che vegnan tramessas ad ella per posta u che vegnan consegnadas persunalmain. Per l’observanza dal termin na basta la spediziun per e-mail vinavant betg (art. 17a LGA).
Exceptadas da quai èn cuntraversas che resultan d’assicuranzas supplementaras a l’assicuranza da malsauns sociala (art. 85 da la Lescha federala davart la surveglianza da las assicuranzas, LSA, CS 961.01) sco era talas che reguardan ils surpassaments avant las autoritads administrativas (art. 357 da la Lescha davart la procedura penala federala, PP, CS 312.0), las qualas pon vegnir preschentadas cun in’inoltraziun electronica a la dretgira administrativa a partir dal 1. da schaner 2011 (cfr. Ordinaziun davart la transmissiun electronica en il rom da proceduras civilas e penalas sco era da proceduras da scussiun, OTEI, CS 272.1). 

 

PDA 2010

La PDA 2010 è cumparida en furma da cudesch è po vegnir retratga tar la centrala chantunala per stampats e material (CSM), Planaterrastrasse 16, 7001 Cuira (e-mail: bestellungen@dmz.gr.ch) al pretsch da fr. 43.--.