Perdita da la plazza e dischoccupaziun
Sche Vus perdais Vossa plazza, duessas Vus l'emprim controllar che las disposiziuns dal contract da lavur sajan vegnidas respectadas. Cunzunt sto vegnir fatg stim ch'il termin da desditga saja vegnì obsevà. Ina cundiziun impurtanta per pudair far valair Voss dretg sin las prestaziuns da l'assicuranza cunter la dischoccupaziun è che domaduas partidas hajan observà il contract. Per pudair profitar uschè prest sco pussaivel dals differents agids, stuais Vus As drizzar immediatamain als posts cumpetents.