Bainvegni tar l' uffizi da chatscha e pestga

L'uffizi da chatscha e pestga è responsabel per il mantegniment d'effectivs da selvaschina e da peschs sauns ed adattads al spazi da viver.
El è cumpetent per la planisaziun, l'organisaziun e la realisaziun sco er per la controlla da la chatscha e pestga.


Sco incumbensa a lunga vista hai num da mantegnair resp. meglierar la qualitad dals spazis da viver da la selvaschina e dals peschs.


La planisaziun da la chatscha sto resguardar ils pli differents aspects, sco p.ex. ils territoris d'enviern, la grondezza da l'effectiv, il svilup da l'effectiv, las perditas, l'influenza d'auters facturs, sco er ils interess da l'agricultura e da la selvicultura u da la protecziun da la natira e dals animals.


L'utilisaziun dals effectivs da selvaschina e da peschs ha da succeder a moda persistenta. Il Grischun enconuscha il sistem da patenta per la chatscha e la pestga.