Sanaziun architectonica e nova exposiziun permanenta

En in'emprima etappa la primavaira 2007 è vegnida fatga la midada da construcziun al plaunterren per l'exposiziun speziala. Colliada cun la midada da construcziun han pudì vegnir fatgas differentas meglieraziuns dal manaschi tar la cassa. Durant la segunda etappa è vegnì reconstruì il 1. plaun e concepì da nov per l'exposiziun permanenta. La fin da november 2007 han ils locals sanads puspè pudì vegnir mess en funcziun. L'onn successiv è vegnida realisada la 3. etappa al 2. plaun ed ils onn 2009 e 2010 han pudì vegnir prendids en funcziun, suenter duas ulteriuras etappas, il 4. plaun ed il plaun sut il tetg.

Il plaun sutterran ch'è destinà per l'archeologia è vegnì reconstruì e concepì da nov en l'ultima etappa l'onn 2011. Cun quai èn las lavurs da sanaziun al Museum retic terminadas.