Las incumbensas e las cumpetenzas sco er las dumondas da la coordinaziun e da la collavuraziun en il sectur da la planisaziun, da la realisaziun e da l'administraziun d'immobiglias da l'administraziun chantunala, da las dretgiras e dals instituts dependents dal chantun sco er la cooperaziun da l'uffizi da construcziun auta en cas d'edifizis e da stabiliments che vegnan subvenziunads dal chantun vegnan regladas en l'ordinaziun davart las immobiglias dal chantun(Olm).

Per surdar las lavurs èn decisivs la lescha da submissiun e l'ordinaziun respectiva sco er ils relaschs dal dretg surordinà.

En ils differents champs d'activitad ston ultra da quai vegnir resguardadas numerusas leschas ed ordinaziuns federalas, chantunalas e communalas. Ina rolla impurtanta giogan er las normas e las directivas da las federaziuns spezialisadas, en spezial talas da la societad svizra da las inschigneras e dals inschigners e da las architectas e dals architects SIA, dal center svizzer da studis per la raziunalisaziun da la construcziun  CRB sco er da l'associaziun svizra da normas ASN.