Sco organ dal sectur da construcziun è l'uffizi da construcziun auta responsabel per construir ils edifizis che tutgan al chantun. En cas da la planisaziun e da la realisaziun da projects da construcziuns novas e da midadas da construcziun faschain nus il manaschament da quests projects, e quai en la funcziun da patrun da construcziun. La tscherna da las architectas e dals architects participads sco er da las inschigneras e dals inschigners vegn fatga tras proceduras da concurrenza ch'èn adattadas per la finamira, sco concurrenzas d'architectura e da projects, sco er tras studis.

Grazia a las lavurs permanentas da mantegniment e da renovaziun garantin nus a lunga vista che las immobiglias dal chantun mantegnian lur valur e lur funcziunalitad.

En il senn d'in svilup da projects persistent ademplin nus nossa incumbensa tenor princips ecologics ed economics che resguardan la cultura architectonica.