Il grond boom d’ir cul mountainbike sper las vias dal traffic motorisà pretenda ina toleranza vicendaivla da tuts che utiliseschan las vias e sendas dal traffic betg motorisà. Sche tant viandants e spassegiaders sco ciclists e bikers han encletga per las autras gruppas d’utilisaders da las sendas e sche tuts piglian resguard ils ins sin ils auters pon ins evitar conflicts e pussibilitar che tuts possian giudair paschaivlamain la natira. Ils bikers ston dentant pigliar spezialmain resguard. Savens èn els ils utilisaders da las sendas ils pli sperts e potenzialmain ils pli privlus. Perquai dain nus in pèr tips per in biking respectus.