La finamira dal program da l'aglomeraziun da Cuira è quella da coordinar il svilup da l'abitadi e dal traffic. Cun in svilup da l'abitadi concentrà che s'orientescha vi da las prioritads da svilup e cun ina planisaziun dal traffic che cumpiglia tut ils geners da traffic e ch'è accordada cun quai, vegn prendida en mira in'avertura per il traffic ch'è optimala en quai che concerna ils custs e l'ambient. Il program d'aglomeraziun cuntegna

• finamiras dal svilup ch'èn differenziadas tenor ils spazis parzials,
• l'ulteriur svilup dals lieus regiunals d'industria e da lavur,
• ina meglieraziun da la cuntanschibladad regiunala cun allontanar intenziunadamain tschertas stretgas da la rait da traffic, e
• l'extensiun da la rait dal traffic betg motorisà per il traffic local en la Val dal Rain grischuna.

Il champ d'influenza da l'aglomeraziun da Cuira:


En il sectur dal traffic betg motorisà èn previsas las suandantas mesiras (charta cun la survista):

• 101 Meglieraziuns da la colliaziun per il traffic betg motorisà tar la A13 a Landquart e tar la staziun da Landquart
• 102 Detretschament dal traffic betg motorisà e dal traffic individual motorisà en il sectur dal Karlihof fin a Landquart
• 103 Meglieraziun da la segirezza dal traffic da la cruschada "Calanda" fin a la rundella da Landquart
• 104 Nova avertura dal territori industrial da Landquart fin Igis per il traffic betg motorisà
• 105 Sutpassadi per il traffic betg motorisà tar la staziun dad Igis
• 106 Colliaziun per il traffic betg motorisà / colliaziun laterala a Zizers (cuntinuaziun da la via da velos)
• 107 Nova colliaziun per il traffic betg motorisà da Trimmis a Zizers
• 108 Nova colliaziun per il traffic betg motorisà da Cuira a Trimmis
• 109 Colliaziun da la fermada da la Viafier retica "Cuira Wiesental" a la rait dal traffic betg motorisà
• 110 Meglieraziun da la colliaziun per il traffic betg motorisà a Cuira vest
• 111 Nov trassé per il traffic betg motorisà al Rossboden, Cuira
• 112 Colliaziun nuninterrutta per pedunas e per peduns sco er per velos da Domat a Cuira vest
• 113 Trassé da l'access da la A13 da "Vial" fin a la punt dal Rain a Tumein
• 114 Colliaziun da Panaduz e da Razén cun la via dals Polacs
• 115 Colliaziun per il traffic betg motorisà da Razén a Panaduz
• 116 Colliaziun per il traffic betg motorisà da Razén a la Mantogna/Tumleastga
• 117 Asfaltaziun cumpletta da las vias da velo intercommunalas en la planira
• 118 Transport da velos cun ils bus
• 119 Bike-and-ride a las fermadas dal traffic public
• 120 Promoziun dal traffic betg motorisà en l'administraziun chantunala

En il rom dal program d'aglomeraziun èsi previs da realisar – en dependenza da la liberaziun da las contribuziuns tras la confederaziun, tras il chantun e tras las vischnancas – las emprimas mesiras ils onns 2011 fin 2014. Ils custs per quai importan circa 12.5 milliuns francs.