La signalisaziun dal traffic betg motorisà vegn reglada en la norma SN 640 829 da las spezialistas e dals spezialists per vias e per il traffic (VSS). Las novas disposiziuns procuran per in maletg unitar. Tant areguard la furma, areguard la tipografia ed areguard la lingua sco er areguard la colur datti ina clera regulaziun. In punct central è la signalisaziun da las rutas cun ina tavla da ruta numerada.
Questa norma è dapi il 1. da schaner 2006 en vigur. Ella po vegnir empustada sut www.vss.ch.
La realisaziun da questa norma en il Grischun è reglada en il manual dal traffic betg motorisà.