NGF grischuna / consultaziun
En sia sesida dals 15 d'avrigl 2008 ha la regenza tramess en consultaziun il project per la nova concepziun da la gulivaziun da finanzas e da la repartiziun da las incumbensas tranter il chantun e las vischnancas (NGF grischuna). Las vischnancas èn stadas dumandadas da cooperar activamain tar la concepziun da quest grond project da refurma ed han stuì inoltrar lur posiziuns fin a la fin da fanadur 2008.
Ils documents da consultaziun e la documentaziun supplementara cumplessiva pon vegnir consultads sin la pagina d'internet dal departament da finanzas e vischnancas. www.dfg.gr.ch
La NGF grischuna è lantschada
Ils 9 da schaner 2007 ha la regenza concludì l'organisaziun da project per la nova regulaziun da la gulivaziun da finanzas e per la repartiziun da las incumbensas en il Grischun (NGF grischuna) sco er definì il cuntegn ed ils instruments dal project. Sche tut va tenor plan, entran las novaziuns en vigur il 1. da schaner 2010. www.dfg.gr.ch
La regenza grischuna definescha las pitgas da la politica davart la refurma da las vischnancas
Cun la missiva davart la revisiun parziala da la lescha da vischnancas dal chantun Grischun e davart la legislaziun da la gulivaziun da finanzas preschenta la regenza grischuna al cussegl grond instruments directivs per la concepziun futura da la politica da vischnancas. Ils dus projects furman a medem temp l'emprima etappa da la realisaziun d'in project da structura pli extendì che tutga tar il program da la regenza 2005 – 2008. Quest project collia ina refurma da las structuras territorialas cun ina nova concepziun da la repartiziun da las incumbensas e da la gulivaziun da las finanzas. Las fatschentas ch'èn impurtantas per l'organisaziun da la convivenza en il Grischun èn vegnidas tractadas dal parlament en la sessiun da december 2005.
Missiva, carnet nr. 12/2005-2006
Quints annuals ed indicaturs da las vischnancas grischunas
Ausgewählte Angaben aus den Jahresrechnungen einzelner Gemeinde können Sie unter Infos über Gemeinden / GEFIS abrufen. Die Kennzahlen aller Gemeinden in einer Zusammenstellung werden jeweils mit unserer Informationsschrift “Ginfo“ veröffentlicht. Sie finden dieses Datenmaterial unter dem Menüpunkt Dokumentation/ Quints annuals ed indicaturs da las vischnancas grischunas
In'elecziun d'indicaziuns dals quints annuals da las singulas vischnancas pudais Vus consultar sut la rubrica "infos davart las vischnancas / GEFIS". Ils indicaturs da tut las vischnancas vegnan mintgamai publitgads en nossa broschura d'infurmaziun "Ginfo" en furma d'ina glista. Vus chattais quest material da datas sut la rubrica "documentaziun / broschuras".
|