Noss post da servetsch ademplescha sias incumbensas en il rom da la surveglianza da las vischnancas e da la gulivaziun da finanzas. Nus survegliain las finanzas e cussegliain las vischnancas en dumondas da finanzas e da contabilitad sco er en dumondas da l'administraziun en general. Ultra da quai redigin, elavurain e publitgain nus datas finanzialas voluminusas. Nus cussegliain er las vischnancas en dumondas da refurma da structura e las accumpagnain durant in project da fusiun. Durant la fasa da realisaziun d'ina fusiun cussegliain nus las vischnancas en dumondas giuridicas, organisatoricas e finanzialas.
Surveglianza e cussegliaziun da las vischnancas
Noss servetsch da surveglianza, da revisiun e da cussegliaziun cumpiglia tut las 176 vischnancas dal Grischun. Per las vischnancas cun dretg da gulivaziun da finanzas è noss servetsch dentent bler pli intensiv che per per las autras vischnancas. Las activitads e las prestaziuns da servetsch las pli impurtantas èn:
- examinaziun preliminara giuridica da constituziuns communalas sco er da statuts da las vischnancas burgaisas, dals circuls, da las corporaziuns regiunalas e da las corporaziuns da vischnancas
- controlla ed evaluaziun statistica dals quints annuals da tut las vischnancas e da tut las corporaziuns
- la revisiun dals quints annuals (vischnancas da gulivaziun)
- cussegliaziun da las vischnancas (chanzlistas e chanzlists communals, suprastanza communala, cumissiun da gestiun) en fatgs da finanzas e da quints (contabilitad, quint annual, preventiv, plan da finanzas) sco er en dumondas da l'administraziun e dal dretg administrativ
- instrucziun da las chanzlistas e dals chanzlists communals; support en fatgs da quints
- cussegliaziun ed accumpagnament da las vischnancas en cas da projects d'investiziun sco er en cas da contracts
- servetschs da mediaziun en dumondas da finanziaziun (instituts da credit, padrinadis)
- realisaziun da la statistica da las finanzas da las vischnancas ed infurmaziun en chaussa, tant entaifer l'administraziun sco er vers anora (instituts da credit, vischnancas da padrinadi, instituts da scolas autas e.u.v.)
- collavuraziun tar occurrenzas da scolaziun ed elavuraziun interna d'enconuschientschas professiunalas en il sectur da finanzas e da vischnancas
- post spezialisà per fatgs communals
Gulivaziun da finanzas
Noss post da servetsch ha differentas incumbensas executivas en il rom da la gulivaziun da finanzas directa ed indirecta:
- examinar la situaziun finanziala ed il dretg da gulivaziun da finanzas en il rom da la legislaziun davart la gulivaziun da finanzas
- examinar il dretg da gulivaziun da finanzas per ovras publicas e per la gulivaziun da basegns spezials
- retschaiver e deliberar dumondas per contribuziuns da gulivaziun da finanzas vi dals custs d'ovras publicas
- procurar per ils rendaquints per la gulivaziun da finanzas directa (gulivaziun da la forza fiscala, contribuziuns ad ovras publicas, gulivaziun per basegns spezials)
- calculaziuns da finanzas e da la forza fiscala da las vischnancas en gruppas da forza finanziala, calculaziun da la gulivaziun da la forza fiscala
- post spezialisà per la gulivaziun da finanzas intercommunala
Refurma da vischnancas
Noss post da servetsch cusseglia ed accumpogna las vischnancas che han l'intenziun d'adattar las structuras a lur basegns. L'uffizi porscha ses sustegn avant il project da fusiun sco tal, durant ch'il project è instradà ed er suenter che la votaziun davart la fusiun ha gì lieu. Tut tenor il basegn pon vegnir tratgas a niz las suandantas prestaziuns:
Avant che cumenzar cun in project::
- occurrenzas d'infurmaziun per las autoritads
- cussegliaziun davart l'andament e davart l'organisaziun d'in project
- sesidas inizialas (kick-off)
Duront il project:
- cooperaziun en las gruppas da lavur
- cussegliaziun en dumondas specificas relevantas per la fusiun (p.ex. finanzas, vischnanca burgaisa, agricultura, scola, selvicultura, num da la vischnanca fusiunada e.u.v.)
- intermediaziun dals contacts cun auters posts chantunals spezialisads
- collavuraziun cun las cussegliadras e cun ils cussegliaders externs
- agid per rediger e per far l'examinaziun preliminara giuridica dal contract da fusiun
- eruida da las prestaziuns chantunalas en cas d'ina fusiun
- cooperaziun a la strategia da communicaziun e d'infurmaziun
- scleriment da las dumondas processualas
Suenter che la votaziun en las vischnancas ha gì lieu:
- agid per las lavurs da realisaziun (consolidaziun da las finanzas, ev. activitad da revisiun, organisaziun da la chanzlia e.u.v.)
- examinaziun preliminara da la nova constituziun
- ev. agid e cussegliaziun per ils novs relaschs giuridics