Navigation

Inhaltsbereich

MultipleImagePresenter

2024 Shooting Panorama 26.jpg

Manaschi ICT
La partiziun ICT è il center pulsant da nossa infrastructura dad IT e cumpiglia quatter teams spezialisads che cuvran ina vasta paletta da servetschs: Telecom & centers da calculaziun, Servetschs da server & da datas, Servetschs da basa ICT e Support ICT. En quest ambient activ vai per il manaschi da cumponentas dad IT: davent da centers da calculaziun fitg moderns e sistems da server e d'arcunaziun cumplessivs sur raits da datas e sistems da firewall fin a sistems da lingua e da communicaziun innovativs sco er clients.

Servetschs centrals
La partiziun Servetschs centrals è la pitga organisatorica da noss post da servetsch. Ella unescha champs d'incumbensas multifars, sco la contabilitad, il management da persunal ed il controlling sco er la concepziun da noss biros. Il team procura er per acquisiziuns efficazias, inclusiv il management dals contracts e da las licenzas.

Applicaziuns
Applicaziuns: il center innovativ per soluziuns da software chantunalas. Qua vegnan dirigids ils servetschs fundamentals, sco il register da persunas, sistems d'administraziun electronics, applicaziuns web, la soluziun d'incassar taglia per il chantun e per las vischnancas ed auters agens svilups specifics. Il team è er responsabel per il management da l'output, sco la stampa en grond dumber, l'emballadi e la spediziun.

Gestiun da l'informatica

La Gestiun da l'informatica è il center strategic da la planisaziun e da la budgetaziun da la IT. Questa partiziun maina il portfolio dad IT, procura per la segirezza da las infurmaziuns e sviluppa vinavant l'architectura da la IT. Cun ina vista cumplessiva coordinescha il team projects che pertutgan plirs posts da servetsch e prepara decisiuns impurtantas per la Cumissiun d'informatica, per concepir il futur digital da l'administraziun.



MultipleImagePresenter

organigramm.jpg