Nossas finamiras: Il dretg dumber da dretgas persunas al dretg lieu en il dretg mument! Sch'i sa tracta da tschertgar persunal, tgirain nus ina buna reputaziun sco patrun e communitgain en moda adequata cun las collavuraturas e cun ils collavuraturs existents e potenzials respectivamain cun las persunas sin il martgà da lavur che tschertgan ina plazza. Numerus process èn endrizzads sin l'internet, quai che augmenta l'effizienza. La durada da l'elavuraziun e la correspundenza da las candidaturas a chaschun da l'engaschament èn nossas caracteristicas da qualitad e nossa carta da visita.

Per fixar ils salaris da las novas collavuraturas e dals novs collavuraturs vegnan resguardadas las pretensiuns da la funcziun (sco p.ex. la scolaziun, l'experientscha professiunala, l'experientscha da la vita sco er enconuschientschas ed abilitads spezialas). Ulteriurs criteris èn la cumparegliaziun traversala interna, l'usit en la branscha e las cundiziuns sin il martgà da lavur. Il svilup dal salari sa basa sin in giudicament annual da la prestaziun e dal cumportament.

Il manaschament dal temp da lavur e da las absenzas è in instrument impurtant che gida las superiuras u ils superiurs a manar las collavuraturas ed ils collavuraturs.

Dal rest ha la partiziun anc las suandantas incumbensas:

• planisaziun dal persunal
• introducziun / temp d'emprova
• praticums
• extradas da persunal
• administraziun dal persunal
• manaschament da reabilitaziun