Cun agid d'infurmaziuns, da cussegliaziun e da sustegn procura il sectur spezial "dretg dal persunal" che las disposiziuns dal dretg dal persunal vegnian applitgadas e realisadas en tut l'administraziun centrala en moda unitara. El cusseglia la lingia en cas spezials concernent il dretg dal persunal ed elavura eventualas proceduras. Ils instituts chantunals autonoms vegnan cussegliads e sustegnids en dumondas dal dretg dal persunal.
A las instanzas cumpetentas vegnan proponidas novaziuns ed adattaziuns dal dretg dal persunal. Las disposiziuns dal dretg dal persunal duain correspunder da tut temp a las pretensiuns actualas che vegnan fatgas ad in'administraziun publica.
Ils departaments ed ils posts da servetsch vegnan sustegnids en connex cun decisiuns concernent uffizis accessorics chantunals (cumissiuns e.u.v.).
Ils 28 d'october 2008 ha la regenza relaschà in'ordinaziun administrativa per l'uffizi da persunal. Quella fixescha tant la rolla sco er la posiziun da l'uffizi da persunal entaifer l'administraziun chantunala. Ella cumplettescha e concretisescha ils relaschs existents, sco la lescha dal persunal, l'ordinaziun dal persunal e l'ordinaziun davart il temp da lavur.
Relaschs giuridics: