Il sectur spezial 'EED / instruments da HR' è responsabel per il manaschi en connex cun las applicaziuns da las tecnologias d'infurmaziun en il sectur dal persunal. Nus garantin che las collavuraturas e ch'ils collavuraturs da l'uffizi da persunal pon duvrar noss meds auxiliars che sa basan sin la tecnologia d'infurmaziun per lur lavur en moda optimala.

Actualmain ans concentrain nus sin ils suandants sistems:

• Sistem per la registraziun dal temp e da las prestaziuns
  L'onn 2007 ha la regenza concludì d'introducir in sistem central per la registraziun dal temp e da las prestaziuns en l'administraziun chantunala. En quest sistem registreschan las collavuraturas ed ils collavuraturs lur temp e repartan quel sin lur prestaziuns (products). Suenter vegnan las infurmaziuns concentradas transferidas en la calculaziun dals custs e da las prestaziuns. L'introducziun dal sistem per la registraziun dal temp e da las prestaziuns è perquai ina premissa indispensabla per GRiforma.

• Sistem per il manaschament dal persunal
  Qua vegnan tgiradas las datas dal persunal, las datas da las plazzas da lavur sco er las datas organisatoricas. Cun quest sistem vegnan garantids process da HR unitars che sa basan sin las tecnologias d'infurmaziun. Ultra da quai vegn reglà cun quest sistem l'entir manaschament da curs intern e la descripziun da l'organigram.

In ulteriur punct central è la direcziun e l'introducziun da differents projects da HR a favur da l'entira administraziun chantunala.