Il svilup dal persunal cumpiglia tenor nus tut las mesiras che gidan las collavuraturas ed ils collavuraturs a sviluppar, a mantegnair ed a promover lur abilitads ed a sviluppar lur potenzial durant l'entira durada da lur engaschament tar l'administraziun chantunala dal Grischun.

Il svilup dal persunal da l'administraziun chantunala dal Grischun gida: 

• a sustegnair las collavuraturas ed ils collavuraturs cun scolaziuns, perfecziunaments e furmaziuns supplementaras, per ch'ellas e ch'els cuntanschian lur finamira da furnir autas prestaziuns en moda conscienziusa; 
• las collavuraturas ed ils collavuraturs a mantegnair ed a cumplettar lur enconuschientschas e lur abilitads professiunalas durant lur carriera professiunala; 
• a promover la professiunalitad e l'umanitad da las collavuraturas e dals collavuraturs; 
• a garantir ed a promover la sanadad e la segirezza da las collavuraturas e dals collavuraturs; 
• a sustegnair l'attractivitad e la cumpetitivitad da l'administraziun chantunala dal Grischun sco patruna moderna.

 
Ils instruments dal svilup dal persunal èn: 

• la furmaziun professiunala, actualmain en 12 differentas professiuns; 
• il giudicament da las collavuraturas e dals collavuraturs; 
• in program central da curs che cumpara annualmain e che sa drizza a las collavuraturas ed als collavuraturs da tut ils stgalims; 
• il sustegn per scolaziuns e per furmaziuns supplementaras externas ed individualas; 
• la promoziun da la generaziun giuvna;
• la cussegliaziun en connex cun scolaziuns individualas e fatgas sin mesira entaifer las partiziuns u entaifer ils posts da servetsch.