Ina versiun rumantscha da la software da decleraziun SofTax GR n'exista betg. Sur ils links che vegnan publitgads qua survart vegn chargiada giu la versiun tudestga u taliana.

Il disc cumpact cun SofTax GR 2009 PN vegn tramess – sche quai è vegnì inditgà correspundentamain en in'anteriura decleraziun da taglia u sche quai è vegnì communitgà ordavant a l'uffizi communal da taglia cumpetent – en il rom da la spediziun annuala da la decleraziun da taglia empè dals formulars da palpiri. Il disc cumpact po er vegnir retratg posteriuramain tar la centrala per stampats e material dal chantun Grischun (Planaterrastrasse 16, 7001 Cuira, bestellungen@dmz.gr.ch, tel. +41 81 257 22 60). Sche Vus al giais directamain a pigliar, è el gratuit, sch'el sto vegnir tramess per posta, vegnan mess a quint ils custs d'elavuraziun e da spediziun.

Suenter avair installà la versiun da standard da SofTax GR 2009 PN sin in computer pon vegnir fatgas resp. emplenidas maximalmain 5 decleraziuns da taglia da persunas natiralas per l'onn 2009 sin quest computer (windows u mac). Licenzas da mandats e da raits per emplenir in dumber pli grond da decleraziuns da taglia resp. per applitgar la software sin plirs computers pon vegnir cumpradas sur ils partenaris da distribuziun da l'administraziun chantunala da taglia (vesair ils links da la vart dretga en il champ d'infurmaziun).