Servetsch social – infurmaziuns per ils praschuniers
Il servetsch social gida ils praschuniers da vesair las dumondas ed ils problems che ston vegnir schliads e da sa fatschentar activamain cun quels. L'agid, ils curs, la cussegliaziun e la promoziun vegnan en quest connex adattads individualmain als praschuniers.

Servetsch d'assistenza e da segirezza
Il servetsch d'assistenza e da segirezza è en servetsch durant 24 uras per gidar dad a fin z, per tgirar, per accumpagnar e per survegliar ils praschuniers.

Medischina
Scleriment e tractament da malsognas, intermediaziun a spezialistas ed a spezialists medicinals.
Ina giada per emna ha il medi da praschun ura da consultaziun.

Fisioterapia
L'assegnaziun a la fisioterapia vegn fatga dal medi.

Servetsch forensic en il stabiliment per l'execuziun giudiziala Realta
Tractament da malsognas psichicas. Terapias tenor la sentenzia giudiziala u sin dumonda. En quests secturs ha il stabiliment giudizial Realta ina stretga collavuraziun cun la clinica psichiatrica Beverin.

Assistenza spirituala en il stabiliment per l'execuziun giudiziala Realta
Accumpagnament en discurs privats ed en cults divins.

Coordinaziun da la planisaziun da l'execuziun
Planisaziun individuala da l'execuziun en collavuraziun cun ils servetschs spezialisads e cun las autoritads da collocaziun.


Survista dals servetschs 

• Program d'integraziun 
• Program d'instrucziun TRIAS 
• Cussegliaziun e sanaziun dals debits 
• Princips e directivas per il contact cun persunas dependentas da tissis enivrants che sa chattan en l'execuziun dal chasti 
• Fegl d'infurmaziun per praschuniers davart l'infecziun da HIV e davart AIDS 
• Tractament cun metadon en l'execuziun da chastis 
• Tractament cun prescripziun da heroin (TrPrHr) 
• Directivas per ina scolaziun e per ina furmaziun supplementara externa per praschuniers