En general

Il stabiliment per l'execuziun giudiziala Realta è ina partiziun da l'uffizi per l'execuziun giudiziala dal Grischun. El è in stabiliment dal concordat dals chantuns da la Svizra orientala davart l'execuziun da chastis e da mesiras (chantuns AI/AR, GL, GR, SG, SH, TG, ZH). En el vegnan collocads umens creschids.


Furmas d'execuziun

Il stabiliment per l'execuziun giudiziala Realta vegn manà sco stabiliment avert. El serva a l'execuziun da chastis che priveschan da la libertad e da mesiras. Dapi il 1. d'avrigl 2009 maina el ina partiziun d'arrest speziala per l'arrest administrativ tenor il dretg da persunas estras.

En detagl vegnan exequids:

• chastis che priveschan da la libertad u rests da chastis, e quai independentamain da lur durada 
• chastis che priveschan da la libertad en furma da la lavur en l'externat, da la mesa-praschunia u da l'execuziun en dis 
• mesiras staziunaras tenor l'art. 59 al. 3 CP e tenor l'art. 64 al. 4 CP 
• l'arrest administrativ tenor il dretg da persunas estras tenor ils art. 73 ss. da la lescha federala davart las persunas estras (LEst) 
• collocaziuns tras in'autoritad tutelara en cas urgents; en quest connex dastga la collocaziun per regla esser mo da curta durada

 


Occupaziun

Il stabiliment per l'execuziun giudiziala Realta ha 104 plazzas d'execuziun. Quellas sa repartan sco suonda:

execuziun normala
79 plazzas d'execuziun

execuziun serrada
5  plazzas d'execuziun serrada

lavur en l'externat
4 plazzas d'execuziun

mesa-praschunia
1 plazza d'execuziun

arrest administrativ tenor il dretg da persunas estras
16 plazzas d'execuziun

Ils praschuniers vegnan per regla collocads mintgin per sasez.