Dal sport vegni profità en blers reguards. Mintga uman che sa deditgescha al sport s'expona ad in eveniment ch'el decida e furma per part sez, al qual el sa suttametta dentant er per part. Tuttas duas situaziuns èn impurtantas, ellas cuntegnan in potenzial da furmaziun.

Sch'i vegn purschì sport en l'execuziun da chastis e da mesiras, èn ils intents dal diever puspè eterogens. Finamiras da la sanadad sco er finamiras igienicas e motoricas vegnan cumbinadas cun finamiras pedagogicas, socialas e psicologicas.

En il center stat dentant l'uman. In uman che sa chatta en questa situaziun speziala dal chasti. Per quest uman èn las duas situaziuns da la "autodeterminaziun" e da la "subordinaziun" en l'eveniment dal sport d'impurtanza fitg speziala. Questa impurtanza ston ins chapir e la finala er intermediar.

Il stabiliment per l'execuziun giudiziala promova intenziunadamain activitads endadens ed en il liber, sco er activitads da sport survegliadas ordaifer l'areal dal stabiliment.

Scola federala da sport a Magglingen (SFSM), Sport in Straf- und Massnahmenvollzug, Hansjürg Thürler, Anton Lehmann, retscha da publicaziuns da la SFSM 71, dals 4 da mars 1998