L'onn 1840 è la chasa da lavur sfurzada vegnida averta en il chastè episcopal da Farschno per "umans paupers ch'èn abels da lavurar, ch'èn dentant suttamess a la laschentadad ed al batlegim". Da l'onn 1851 fin l'onn 1855 è vegnida realisada la construcziun dal nov "stabiliment da correcziun per dunnas e per umens alcoholics, schlaschads e labils" sin il bain chantunal da Realta. L'onn 1919 è vegnì avert l'asil da Realta (oz la clinica psichiatrica). Tras quai è vegnida fatga la separaziun da persunas malsaunas e da persunas correcziunalas.

La partiziun da dunnas è vegnida abolida l'onn 1948. Il nov stabiliment mez avert per umens en l'execuziun da chastis e da mesiras è vegnì avert l'onn 1965 (tenor la cunvegna en il concordat dals chantuns da la Svizra orientala). Ils onns 1976 fin 1977 èn vegnids construids edifizis d'engrondiment (manaschis da mastergn).

Il 1. da schaner 1991 è il stabiliment da Realta vegnì separà da la clinica psichiatrica da Beverin, dapi lura vegn el manà autonomamain.