L'istorgia da la construcziun a partir da l'onn 1999

1999-2004
Sanaziun dals tracts da cellas 1 e 2 cun 100 novas plazzas d'execuziun mez avertas: Installaziun da duschas d'etascha, da locals da segiurn e da gruppa averts e serrads sco er d'in center da temp liber che vegn cumplettà tras duas plazzas da sport a l'exteriur. Installaziun d'ina partiziun serrada d'entrada, da crisa e da malsogna sco er d'in center medicinal. Construcziun nova da la cuschina da producziun e sanaziun da la cantina. Engrondiment dals locals d'administraziun, da servetsch e da cussegliaziun.

L'istorgia dal svilup da l'execuziun da chastis

1998
In'evaluaziun scientifica da la prevenziun da HIV e da hepatitis a Realta vegn preschentada da l'uffizi federal da sanadad publica a la publicitad. Las mesiras dals onns 1995/1997 vegnan confermadas scientificamain e cuntinuadas.

2001
Introducziun da la consegna medicinala dad opiat cun 10 plazzas da tractament a partir dal schaner 2001.

2003
La partiziun serrada vegn messa en funcziun.

2004
Prestaziuns per far bun il donn vegnan introducidas sco part da la planisaziun da l'execuziun.

2005
Partenza dal trenament creativ e da las cumpetenzas socialas

2007
Integraziun dal stabiliment da Realta en l'uffizi per l'execuziun giudiziala – nova denominaziun: stabiliment per l'execuziun giudiziala Realta
Partenza da l'emprova da model FuEx (furmaziun en l'execuziun da chastis)

2009
Avertura da 16 plazzas per l'arrest administrativ tenor il dretg da persunas estras