En general

Il stabiliment per l'execuziun giudiziala Sennhof è ina partiziun da l'uffizi per l'execuziun giudiziala dal Grischun. El è in stabiliment dal concordat dals chantuns da la Svizra orientala davart l'execuziun da chastis e da mesiras (chantuns AI/AR, GL, GR, SG, SH, TG, ZH). En el vegnan collocads dunnas ed umens creschids.


Furmas d'execuziun

Il stabiliment per l'execuziun giudiziala Sennhof vegn manà sco stabiliment serrà. El serva a l'execuziun da chastis che privescha da la libertad, da l'arrest d'inquisiziun e da l'arrest da segirezza sco er da l'arrest administrativ tenor il dretg da persunas estras.

En detagl vegnan exequids: 

• chastis che privescha da la libertad u rests da chastis, e quai independentamain da lur durada 
• chastis che privescha da la libertad en furma d'ina mesa-praschunia 
• arrest d'inquisiziun, arrest da segirezza ed arrest d'extradiziun 
• l'arrest administrativ tenor il dretg da persunas estras tenor ils art. 73 ss. da la lescha federala davart las persunas estras (LEst) 
• collocaziuns tras in'autoritad tutelara en cas urgents; en quest connex dastga la collocaziun per regla esser mo da curta durada

Occupaziun

Il stabiliment per l'execuziun giudiziala Sennhof ha 80 plazzas d'execuziun. Quellas sa repartan sco suonda:

execuziun normala
32 plazzas d'execuziun (28 umens, 4 dunnas)

arrest d'inquisiziun ed arrest da segirezza
12 plazzas d'execuziun (10 umens, 2 dunnas)

mesa-praschunia
16 plazzas d'execuziun (13 umens, 3 dunnas)

arrest administrativ tenor il dretg da persunas estras
20 plazzas d'execuziun (18 umens, 2 dunnas)