Il sectur spezial da l'execuziun da mesiras exequescha las mesiras e las mesiras da protecziun ch'èn vegnidas pronunziadas da dretgiras dal Grischun e da las autoritads da persecuziun penala.

La cumpetenza cumpiglia en spezial: 

• l'execuziun da mesiras penalas ambulantas e staziunaras ch'èn vegnidas ordinadas d'ina dretgira sco er da l'internament ch'è vegnì ordinà da la dretgira 
• la collocaziun en plazzas da terapia e d'execuziun adattadas en clinicas en cas da mesiras staziunaras u en cas d'in internament (persunas creschidas) 
• la collocaziun tar persunas privatas u en instituziuns educativas u en instituziuns da tractament (giuvenils) 
• la fixaziun dal termin da cumenzament 
• il cumond per il cumenzament da l'execuziun e l'elavuraziun da las incaricas d'execuziun 
• la planisaziun da l'execuziun resp. la regulaziun da l'execuziun (fixaziun da las cundiziuns generalas concretas e da las fasas da l'execuziun) 
• la regulaziun e la controlla da las mesiras ambulantas e l'intermediaziun da terapeutas e da terapeuts u d'instituziuns da terapia 
• la controlla periodica da las mesiras e da l'internament 
• la decisiun davart ina interrupziun da las mesiras 
• la decisiun davart la relaschada cundiziunada e la relaschada definitiva or da l'execuziun da mesiras staziunaras 
• l'assistenza da persunas ch'èn vegnidas relaschadas cundiziunadamain fin a la relaschada definitiva or da l'execuziun da mesiras staziunaras 
• la decisiun davart l'aboliziun da mesiras p.ex. sche quellas n'han nagin success 
• l'inoltraziun da dumondas tar las dretgiras e tar las autoritads da persecuziun penala (p.ex. per prolungar mesiras; per prolungar il temp d'emprova en cas d'ina relaschada cundiziunada; per decretar in retransferiment; per midar la collocaziun) 
• liquidar incumbensas da scleriment per l'uffizi per il traffic sin via