Bainvegni tar l'uffizi per l'execuziun giudiziala

L'uffizi per l'execuziun giudiziala dal Grischun è in post da servetsch dal departament da giustia, segirezza e sanadad dal chantun Grischun. L'uffizi vegn manà da lic. iur. Walter Schlegel, ses substitut è Andrea Zinsli. En quai che pertutga l'organisaziun è l'uffizi dividì en trais partiziuns: 

• Servetsch d'execuziun e servetsch per l'assistenza da reabilitaziun 
• Stabiliments per l'execuziun giudiziala dal Grischun (stabiliment giudizial Sennhof e stabiliment giudizial Realta) 
• Finanzas e logistica

L'uffizi è cumpetent per l'execuziun da sancziuns penalas, per la realisaziun da l'arrest d'inquisiziun, da l'arrest da segirezza e da l'arrest d'extradiziun sco er per l'arrest preparatoric e per l'arrest d'expulsiun. Dal rest è el er cumpetent per l'assistenza da reabilitaziun e per l'assistenza sociala en il chantun Grischun, e quai per la durada da la procedura penala e da l'execuziun dal chasti. En il Grischun vegn l'execuziun da chastis e da mesiras reglada uschia sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas ch'èn daventadas chastiablas, e quai per impedir ulteriurs acts criminals.