28-11-2008
Las cunvegnas d'associaziun a Schengen/Dublin entran en vigur ils 12 da december 2008
Ils 27 da november 2008 ha la UE decidì da metter en vigur ils 12 da december 2008 las cunvegnas d'associaziun da la Svizra a Schengen/Dublin. Decisiv per l'uffizi da fatgs da polizia e da dretg civil dal Grischun è – a partir da questa data – cunzunt il fatg ch'i vegnan acceptads visums da Schengen per entrar en Svizra e ch'i vegnan emessas novas legitimaziuns per persunas estras che derivan da terzs stadis.
27-11-2008
Entrada en vigur da las cunvegnas d'associaziun a la reglamentaziun da Schengen, adattaziun da la procedura da permissiun
Igl è planisà da metter en vigur las cunvegnas d'associaziun a la reglamentaziun da Schengen per ils 13 da december 2008. La consequenza da quai è ch'ina part da questas cunvegnas vegn realisada cun introducir la nova legitimaziun da persunas estras (NLPE) per burgaisas e per burgais da terzs stadis. La NLPE cuntegna – ultra da las datas persunalas e da las datas da dimora – er ina fotografia e la suttascripziun da la persuna estra. Per quai sto vegnir emplenì ed inoltrà il formular da scan. En quai che concerna la qualitad da la fotografia e la regulaziun da la suttascripziun valan las medemas premissas sco per ils documents da viadi svizzers. L'identitad da la persuna sto pia vegnir controllada exactamain tras la fotografia sco er tras la suttascripziun. Pervia da quai sto la dumonda vegnir inoltrada persunalmain.
A partir dals 13 da december 2008 pon – per burgaisas e per burgais da terzs stadis – vegnir emess previsiblamain mo pli NLPE, e quai independentamain da la data, a la quala la dumonda è vegnida inoltrada. Per ch'i na stoppian betg vegnir fatgas respediziuns nunnecessarias, perquai che formulars da scan mancan, ston vegnir agiuntads stringentamain a dumondas da burgaisas e da burgais da terzs stadis a partir d'immediat er ils formulars da scan emplenids.
30-10-2008
Infurmaziun davart la situaziun actuala dal sectur d'asil en il chantun Grischun
Communicaziun a las medias davart la situaziun actuala dal sectur d'asil en il chantun Grischun
Presentaziun communicaziun a las medias (versiun tudestga)
10-09-2008
Communicaziun a las medias, cumissiun dal cussegl grond per sanadad e fatgs socials
Ina delegaziun da la cumissiun per sanadad e fatgs socials ha visità il center d'expulsiun Flüeli a Valzeina
03-03-2008
Progress tar l'execuziun dal dretg da persunas estras e dal dretg d'asil en il chantun Grischun
Communicaziun per la conferenza da medias dals 28 da favrer 2008
Preschentaziun da la conferenza da medias dals 28 da favrer 2008 (mo per tudestg)