Requirentas e requirents d'asil cun ina decisiun da betg entrar en chaussa (BEC) èn persunas:

• che na surdattan betg a las autoritads entaifer 48 uras suenter l'inoltraziun da la dumonda documents da viadi u auters documents che permettan d'als identifitgar;
• u che engionan las autoritads davart lur identitad e quest engion è segir sin basa dals resultats dal tractament dal servetsch d'identificaziun u sin basa d'auters meds da cumprova;
• che violeschan - sin in'autra moda massiva- culpaivlamain lur obligaziun da cooperar;
• che pon partir en in stadi, nua ch'ina dumonda d'asil è gia pendenta u en in stadi ch'è - sin basa d'in contract internaziunal - cumpetent per l'execuziun da la procedura d'asil e da spedida e che n'als sforza betg da partir dal stadi;
• che han gia absolvì senza success ina procedura d'asil en Svizra u che han retratg lur dumonda u ch'èn turnads durant la procedura d'asil pendenta en lur stadi d'origin u da derivanza.