Sch'i sa mussa - sin fundament da l'audienza chantunala pertutgant ils motivs d'asil - ch'i na po betg vegnir dà asil a la requirenta u al requirent d'asil, che l'execuziun, q.v.d. che la partenza n'è betg pussaivla, admissibla u supportabla, vegn prendida ina decisiun d'asil e da spedida; ed empè da fixar in termin da partenza, ordinescha l'uffizi federal da migraziun l'admissiun individuala provisoria. Sche l'admissiun provisoria vegn abolida, vegn fixà in nov termin da partenza per la persuna spedida, entaifer il qual ella sto bandunar la Svizra. Sche la persuna n'observa betg il termin da partenza succeda il repatriament. L'admissiun provisoria scada er, en il cas che la persuna admessa provisoriamain parta voluntarmain u sch'ella survegn ina permissiun per cas da direzza.