Il passaport provisoric è valaivel durant maximalmain 12 mais, ha mo 16 paginas e sa distingua dal passaport ordinari er tras ses aspect exteriur.

Il passaport provisoric po vegnir dumandà directamain tar il center da registraziun a Cuira. A la fin dal viadi vegn el directamain confiscà a l'eroport u sto vegnir returnà al center da documents d'identitad.

Ordaifer las uras da biro ordinarias sco er durant las fins d'emna e durant ils firads po vegnir dumandà in passaport provisori tar ils posts per passaports d'urgenza als eroports da

• Turitg–Kloten
• Basilea-Mülhausen
• Genevra
• Agno

I sto vegnir preschentà in document d'identitad. In passaport provisori emess dal post per passaports d'urgenza custa 150.00 francs e sto vegnir returnà a quest post suenter il return.

I na sa betg vegnir fatg in passaport provisori cun datas biometricas.