Vus avais la pussaivladad da controllar la funcziun correcta da Voss passaport electronic. Per quest intent As stattan a disposiziun mintgamai in automat da controlla (public reader) en ils dus centers da documents d'identitad a Cuira ed a Zernez. Là avais Vus la pussaivladad da verifitgar sez Voss passaport durant las uras d'avertura da tut temp.
Il passaport electronic sto vegnir tractà cun quità. En il cas ch'il chip vegn dentant tuttina donnegià ina giada, è il passaport sco tal anc adina valaivel. I sto dentant vegnir quintà cun controllas da cunfin che chaschunan pli gronds custs.