Per entrar senza visum en ils Stadis unids dovran las burgaisas svizras ed ils burgais svizzers in passaport 03 ch'è vegnì emess avant ils 26-10-2006 u in passaport biometric.
 
Tut las viagiaturas e tut ils viagiaturs che viageschan en il rom dal program Visa Waiver (dimora sco turistas e sco turists fin max. 90 dis) en ils Stadis unids, èn obligads da dumandar a partir dals 12 da schaner 2009 ina permissiun electronica da viagiar, avant ch'els ascendan in med da transport aviatic u maritim per cuntanscher ils Stadis unids.
 
As annunziai online sin la pagina d'internet da l'ESTA sut https://esta.cbp.dhs.gov/ empleni la dumonda per englais.

Ulteriuras infurmaziuns

 
Las suandantas infurmaziuns dattan scleriment davart la dumonda, tge model dal passaport svizzer che pretenda resp. che na pretenda betg in visum per in viadi en u tras ils Stadis unids.

 
senza visum
passaport 03
emess fin il pli tard ils 25.10.2006

passaport 06 / 10
passaport biometric, introducì ils 04.09.2006 / 01.03.2010


cun visum
passaport 03
emess a partir dals 26.10.2006

 
Questas indicaziuns valan per persunas che pon profitar da l'entrada simplifitgada en ils Stadis unids en il rom dal program Visa Waiver (dimora sco viagianta u sco viagiant da vacanzas fin max. 90 dis). Ellas na valan dentant betg per studentas e per students u per collavuraturas e per collavuraturs da las medias ch'entran en ils Stadis unids per motivs da lavur. Infurmaziuns liantas davart las disposiziuns d'entrada dat l'ambassada dals Stadis unids a Berna.

Dapi il 1. da fanadur 2009 acceptan ils Stadis unids ils passaports provisorics senza chip da datas mo pli en cumbinaziun cun in visum. Quai vala er per il passaport svizzer provisoric actual.