Il chantun Grischun ha formulà la finamira da realisar exercizis cun tut ses partenaris, e quai mintga 4 fin 5 onns.

Trenaments da scenaris

Per pudair promover vinavant la colliaziun e la collavuraziun da las organisaziuns associadas han lieu ils onns 2009, 2010 e 2011 tschintg trenaments da scenaris "manar acziuns en cas d'eveniments gronds" en las regiuns da la polizia chantunala 1 - 5. L'emprim trenament da scenaris è vegnì realisà ils 14 da settember 2009 en la regiun 1 dal Rain, quai ch'è stà in success. Il segund trenament da scenaris ha gì lieu cun grond success e cun reacziuns positivas da vart da las participantas e dals participants ils 26 d'avrigl 2010. Il terz trenament da scenaris ha lieu ils 13 da settember 2010 cun grond success a Glion.
I vegnan envidadas las funcziuns da cader correspundentas da las singulas organisaziuns. La finamira dals trenaments da scenaris è d'exercitar l'entira structura directiva en situaziuns spezialas ed extraordinarias.

Zusammenfassung Planspiel 2011, Roveredo
Zusammenfassung Planspiel 2011, Davos
Zusammenfassung Planspiel 2010, Ilanz
Zusammenfassung Planspiel 2010, Samedan
Zusammenfassung Planspiel 2009, Chur 

 

Exercizi da PYROX en il tunnel dal Veraina

Sut la direcziun da la Viafier retica è vegnì manà tras ils 26 da matg 2009 l'exercizi da PYROX en il tunnel dal Veraina. La prioritad da l'exercizi è vegnida dada en il tunnel ed al portal da Sagliains da la vart dal sid dal tunnel. L'exercizi n'è betg vegnì annunzià ordavant. Sa participadas èn tut las organisaziuns da glisch blaua sco la polizia, ils pumpiers e la sanitad sco er la Viafier retica.
 
Bericht Einsatzübung PYROX 

 

Excercizi da salvament en il tunnel dal Crap da Flem

Per incumbensa da la cumissiun chantunala da salvament è vegnì manà tras il 1. d'avrigl 2008 in exercizi d'acziun. Sa participads èn per l'emprima giada tut las organisaziuns da glisch blaua sco la polizia, ils pumpiers e la sanitad sco er il care team grischun e l'uffizi da construcziun bassa. Sco scenari è vegnì elegì in accident grev da traffic en il tunnel dal Crap da Flem. A chaschun da quest exercizi han stuì vegnir tgiradas circa 30 persunas blessadas cun blessuras levas fin fitg grevas e 25 persunas senza blessuras. Las suandantas finamiras han gì la prioritad: controllar la prontezza a l'acziun, deliberar e salvar al lieu, structurar en moda adattada l'organisaziun dal lieu da donn e garantir la direcziun da quella (coordinaziun e cunvegnas tranter las organisaziuns da l'acziun al post da commando) sco er coordinar l'agid.
Las experientschas fatgas durant l'exercizi vegnan integradas en la scolaziun ed en la furmaziun supplementara da las organisaziuns respectivas.

• Rettungsübung Tunnel Flimserstein
• Auswertung Einsatzübung Flimserstein