Ils "Indicaturs dal servetsch da salvament" sa basan sin il "Profil d'exigenzas ad in protocol d'acziun resp. ad ina statistica annuala dal servetsch da salvament e da las basas d'ambulanza en il Grischun" ch'è vegnì approvà da la cumissiun chantunala da salvament ils 14 da favrer 2002. L'onn 2003 èn las prestaziuns dal servetsch da salvament e da las basas d'ambulanza vegnidas registradas per l'emprima giada en questa furma sistematica. Uschia pon las datas statisticas da la centrala dal clom d'agid sanitar 144 vegnir cumplettadas ad ina projecziun cumplessiva da las prestaziuns annualas dal servetsch da salvament.
Tut ils servetschs da salvament e tut las basas d'ambulanza dovran il program Salvar© per registrar las datas da lur prestaziuns. Quest program permetta la registraziun da las datas e la gestiun da la qualitad.