Directivas
Per incumbensa da la cumissiun chantunala da salvament ha la gruppa da lavur "Qualitad" preschentà la situaziun dal chantun Grischun concernent il provediment preclinic en il rapport "Analisa – status dals servetschs da salvament e da las basas d'ambulanza" dals 14 d'avrigl 2008. Plinavant ha ella explitgà en quest rapport per quals servetschs da salvament e per qualas basas d'ambulanza ch'ina renconuschientscha da l'interassociaziun per il salvament (IAS) è plitost pauc probabla.
Ils "gronds" servetschs da salvament ston ademplir las directivas da la IAS per survegnir la permissiun.
Ils "pitschens" servetschs da salvament e las "pitschnas" basas d'ambulanza ston observar las "Directivas per la renconuschientscha da servetschs da salvament pitschens e da basas d'ambulanza pitschnas en il chantun Grischun", ch'èn vegnidas elavuradas ils 15 da december 2009 da la gruppa da lavur "Qualitad".
Manual per eveniments gronds
Il manual "Eveniments gronds, valaivel per il chantun Grischun, gestiun dal servetsch sanitar en cas da situaziuns spezialas ed extraordinarias" è vegnì elavurà d'ina gruppa da project da la cumissiun chantunala da salvament. Quel vegn a furmar a partir d'immediat la basa per manar acziuns e per la moda da lavurar dals servetschs da salvament en cas d'eveniments gronds en noss chantun.
Il manual cumpiglia tut ils documents, tut las descripziuns da las funcziuns, tut las glistas da controlla e tut ils documents da lavur per acziuns sco er in concept per la scolaziun ed in concept per garantir la qualitad. I n'exista expressivamain nagin copyright. Il manual (versiun da word) po vegnir empustà tar il medi chantunal. *
Cun la publicaziun dal manual va la lavur da la gruppa da project "Direcziun dal servetsch sanitar" a fin; la gruppa è sa schliada. Il medi chantunal è responsabel per sviluppar vinavant la lavur. I vegn fundada ina gruppa da lavur "Direcziun dal servetsch sanitar". Ella cumpiglia tut las manadras e tut ils manaders d'acziuns sanitaras sco er tut las medias e tut ils medis directivs d'urgenza ch'èn activs en il chantun.
* martin.mani@san.gr.ch
• Handbuch Grossereignis
• Handkarte Führung
Concept da salvament grischun
L'uffizi da sanadad procura ch'i vegnia gidà tut las persunas che han gì in accident, ch'èn malsaunas u ch'èn en privel en noss chantun, e quai uschè svelt sco pussaivel ed en ina moda che correspunda a la situaziun.
Cun organisar en moda adequata il servetsch da salvament vegni garantì che pazientas e che pazients d'urgenza survegnan in emprim tractament optimal al lieu e vegnan tgirads durant il transport da persunal medicinal cumpetent. Resguardond la libra tscherna dal medi e da l'ospital, vegnan ellas ed els manads al proxim lieu da tractament cumpetent, nua ch'ils donns ils pli grevs pon vegnir tractads definitivamain ed optimalmain.
• Rettungskonzept Graubünden
Disposiziuns executivas davart l'organisaziun dal servetsch da salvament
Cun il conclus dals 9 da november 2004 ha la regenza mess en vigur las disposiziuns executivas davart l'organisaziun dal servetsch da salvament per il 1. da schaner 2005.
Regierungsbeschluss Ausführungsbestimmungen Rettungswesen
Disposiziuns executivas davant l'organisaziun dal servetsch da salvament