Eveniments traumatics e da stress pon avair consequenzas corporalas e psichicas e pon evocar sentiments che chaschunan gronda malsegirezza, Latiers tutgan per exempel:
- tema
- sentiment da betg pudair gidar sasez
- tristezza
- culpa
- dischillusiun
- gritta e ravgia
- ils eveniments sa repetan adina puspè
Infurmaziuns e recumandaziuns
- Na supprimi betg Voss sentiments, discurri surlonder, er cun Voss uffants.
- Na spetgai betg ch'il temp stizzia automaticamain Vossas regurdientschas. Igl è pussaivel che Voss sentiments actuals na svaneschan betg mo uschia, mabain ch'els vegnan a fatschentar Vus vinavant.
- As prendai temp avunda per durmir, per As recrear, per reflectar e per esser ensemen cun quellas persunas che As stattan datiers.
- Exprimi cleramain Voss basegns.
- Empruvai da returnar uschè svelt sco pussaivel a Voss mintgadi normal ed usità.
- Laschai discurrer er Voss uffants davart sentiments, als laschai s'exprimer en il gieu e cun dissegnar. Als tramettai prest puspè a scola ed enavos a las activitads usitadas.
- Laschai discurrer persunas da confidenza betg pertutgadas (p.ex. madritscha u padrin, persunal da scolina, persuna d'instrucziun) cun Voss uffant. In uffant po s'avrir meglier envers insatgi che n'è betg traumatisà.
- Hajas quità en il traffic sin via e cun far diever da maschinas. Accidents capitan pli savens en situaziuns da stress.
Flyer