Il mument è en curs la fasa da recrutaziun per la scola da polizia 2013/2014 che cumenza l'october 2013. La scolaziun teoretica ha lieu en la scola da polizia da la Svizra orientala ad Amriswil (TG). Las parts praticas vegnan absolvidas en ils corps da la polizia chantunala dal Grischun.
Per pudair absolver la scola da polizia, stuais Vus
a) ademplir las suandantas cundiziuns d'admissiun
- buna reputaziun
- dretg da burgais svizzer
- vegliadetgna tranter 20 e 35 onns
- scolaziun professiunala terminada cun attest da qualificaziun federal u scolaziun equivalenta (sco premissa da la renconuschientscha tras il UFFT)
- bunas premissas fisicas e psichicas
- grondezza minimala da 160 cm
- permiss da manischar da la categoria B
- enconuschientschas dal computer/applicaziun dals programs da l'office
- giavischadas vegnan enconuschientschas da linguas estras
b) absolver cun success la suandanta procedura da recrutaziun
- examen d'admissiun che consista da
a) test da sport (link tar il test da sport sco PDF)
b) test da teoria
- test recrutaziun (2 uras)
- test d'ortografia (15 min.)
- test da scriver cun la tastatura (10 min.)
- Discurs da valitaziun
- Controlla tras la media u tras il medi da confidenza
- Elecziun sco aspiranta u sco aspirant da polizia tras il commandont da la polizia grischuna
Ils examens d'admissiun han lieu pliras giadas durant l'onn. Las proximas datas èn
- glindesdi, 27.08.2012
- glindesdi, 08.10.2012
- gievgia, 07.02.2013
Nus As recumandain da tscherner il proxim termin pussaivel, perquai che las plazzas a la scola da polizia èn limitadas.
Jau hai interess per la scola da polizia