Pervia da la plazza limitada entaifer il vitg da Tavau, na datti betg avunda plazzas da parcar ed areals da spetga. Quai ha chaschunà differents problems ils ultims onns. Per quest motiv As supplitgain nus d'observar ils urdens da traffic e las mesiras respectivas.
Per pudair garantir in andament dal traffic senza incaps entaifer il vitg da Tavau, ston tut las participantas e tut ils participants da traffic prender resguard vicendaivlamain ed ademplir las reglas correspundentas.
- Per lung da la Promenade e da la Talstrasse datti mo paucas plazzas da parcar publicas. Ordaifer questas plazzas da parcar vala in scumond da parcar absolut.
- Sin la Promenade vala il traffic en direcziun unica da Tavau Vitg (Hotel Montana) fin Tavau Plaz (posta). Exceptà da quai è unicamain il traffic da bus da las interpresas da transport da Tavau (VBD) sco er il traject parzial da la chantunada tar il hotel Parsenn fin a la bifurcaziun en la Scalettastrasse.
- Sin la Talstrasse vegn abolì il traffic en ina direcziun da venderdi, ils 20 da schaner 2012, a las 10.00, fin glindesdi, il 30. da schaner 2012, a las 18.00, ed i vegn charrà en tuttas duas direcziuns.
- Al traffic da transit vegni recumandà da guntgir sur la Mattastrasse / Dischmastrasse.
- Da glindesdi, ils 23 da schaner 2012, a las 14.00, fin dumengia, ils 29 da schaner 2012, a las 18.00, vegnan serrads ils trajects da via signalisads. Quests trajects pon vegnir charrads mo pli cun las autorisaziuns d'access ch'èn vegnidas dumandadas ordavant tar il WEF. La polizia na po dar naginas permissiuns.
Cuntravenziuns cunter las disposiziuns per il traffic sin via vegnan persequitadas senza resalva.
Nur in Deutsch:
Das Verkehrskonzept WEF 2012 als PDF