Tschertgar possessuras e possessurs d'autos sur SMS
En il chantun Grischun pon ils numers dals autos (autos da persunas, autos da furniziun, camiuns e chars annexs) vegnir consultads sur SMS.
In SMS custa 1.– franc e vegn incassà directamain da Vossa societad da natel.
Co funcziuna quest servetsch?
Endatar il numer che Vus vulais consultar sur SMS – per exempel
GR 1234 (GR / spazi / numer) – e trametter a 939.
Sco resposta survegnis Vus in SMS cun l'adressa da la possessura u dal possessur dal numer da l'auto endatà. Sche l'adressa na fiss betg disponibla, survegnis Vus in SMS cun l'indicaziun che la dumonda n'haja furnì nagins resultats valaivels.
Ultra dals numers dals autos dal Grischun pudais Vus consultar sur 939 er ils numers dals autos dals chantuns AI, AR, BE, SG e TG.
Il servetsch dad SMS stat normalmain a disposiziun da tut temp. I n'exista dentant nagin dretg sin la disponibladad da quest servetsch. Lavurs da mantegniment vi dals sistems u problems tar las societads da natel pon chaschunar interrupziuns u retardar la resposta.