Tenor lescha è la regenza obligada d'adattar mintga 2 onns al stadi da la tecnica las limitas da CO2 per vehichels a motor che profitan da la reducziun da la taglia da traffic, perquai ch'els chaschunan paucas emissiuns da CO2. In conclus correspundent ha la regenza prendì ils 10 d'avust 2010.

A partir dal 1. da schaner 2011 fin ils 31 da december 2012 survegnan tut ils vehichels a motor levs ina reducziun da la taglia da traffic

– da 60 % cun in'emissiun da CO2 da maximalmain 140 g/km
e
– dad 80 % cun in'emissiun da CO2 da maximalmain 120 g/km.

Ultra da quai na dastga l'emissiun da pulvra fina da vehichels da diesel er vinavant betg surpassar 0.01 g/km.