In vehichel na dastga betg vegnir mess en circulaziun sin vias publicas senza assicuranza da responsabladad. L'assicuranza cuvra la responsabladad da la possessura u dal possessur dal vehichel sco er da las persunas, per las qualas ella u el è responsabel tenor lescha – almain en quels stadis, nua ch'il numer d'immatriculaziun svizzer vala sco attest d'assicuranza.

In attest d'assicuranza è obligatoric per tut ils vehichels a motor sco er per tut ils chars annexs che servan al transport da persunas e da rauba privlusa. L'attest d'assicuranza è il mussament che Vus sajas assicurà en la dimensiun necessaria tar ina societad d'assicuranza cunter las ristgas da responsabladad.