Sche Vus vulais metter en circulaziun in vehichel segir per intents privats mo per intgins dis, è il permiss dal di (u da plirs dis) la soluziun ideala per quest intent.

Permiss dal di vegnan emess per ina durada da 24, 48, 72 u 96 uras.

Il permiss dal di ed ils numers d'immatriculaziun respectivs ston vegnir returnads u tramess enavos per posta a nus il pli tard il mument che lur valaivladad scada.

Las taxas per in permiss dal di èn fixadas en l'ordinaziun per incassar taxas e custs da las possessuras e dals possessurs da vehichels a motor e da velos en il chantun Grischun (DG 870.130).

Per mintga permiss dal di sto vegnir prestada ina segirezza tranter 50.– francs e 500.– francs. Sch'il permiss dal di e sch'ils numers d'immatriculaziun respectivs vegnan returnads a temp, vegn restituida questa segirezza.

Las premias d'assicuranza per ils permiss dal di sa drizzan tenor las tariffas che ans vegnan mintgamai messas a quint da la societad d'assicuranza.

Resguardai per plaschair che l'utilisaziun da permiss dal di po vegnir permessa las dumengias e durant ils firads mo en cas d'in basegn considerabel cumprovà. Viadis a l'exteriur èn suttamess a restricziuns. Contactai perquai per plaschair noss uffizi avant che ir en viadi.